Брижит Бардо, француската актерка и пејачка која во 1960-тите прерасна во глобален секс симбол и културна икона, почина на 91-годишна возраст.
Бардо се стекна со светска слава со филмот „И Бог ја создаде жената“ од 1956 година, сценарио и режија на нејзиниот тогашен сопруг Роџер Вадим. Улогата ја лансираше на меѓународната сцена и ја утврди како една од најпрепознатливите фигури на европската кинематографија.
Родена во богато семејство, Бардо уште на 15-годишна возраст се појави на насловната страница на списанието „Ел“. Нејзината кариера започна во манекенството, по што следеа понуди за филмски улоги, со кои брзо го привлече вниманието на јавноста и филмската индустрија.
Во текот на 1960-тите, филмот „И Бог ја создаде жената“ ја претвори во меѓународна икона, а бројни уметници ја опишуваа како најслободната жена во Франција. Во тој период, Бардо прифати и низа холивудски ангажмани, меѓу кои и филмот „Viva Maria“. Паралелно со актерската, таа развиваше и музичка кариера, снимајќи ја оригиналната верзија на песната на Серж Генсбур „Je T’Aime Moi Non Plus“.
Притисокот од славата, како што беше наведувано, ја измори Бардо, поради што во 1973 година се повлече од глумата. По пензионирањето, нејзиниот фокус се префрли на активизмот, особено во областа на заштитата на животните, а во подоцнежните години таа стана активна и во политичкиот сегмент.
Брижит Бардо беше во брак четири пати – со Роџер Вадим, Жак Шарие, Ендру Сакс и Бернар д’Ормал. Покрај браковите, таа беше во врска и со актерот Жан-Луј Трентињан, како и со музичарот Серж Генсбур.
Почина Брижит Бардо