Четири лица се приведени при полициски претрес во дом во Куманово, каде што биле пронајдени повеќе пакувања со бела грутчеста материја и други предмети, соопшти Министерството за внатрешни работи.
Полициската акција била спроведена на 26 септември 2026 година, во 00:50 часот, од службеници на Одделението за недозволена трговија со дрога и оружје и мобилниот тим „Task Force“ при СВР Куманово.
Од слобода биле лишени Р.С. (45) од Куманово, Т.К. (45) од селото Романовце, Н.А. (39) од Куманово и М.К. (39) од селото Биљановце.
Претресот во домот на Р.С. бил извршен врз основа на судска наредба. Во објектот биле затекнати и другите три лица, а при полициската проверка биле пронајдени повеќе пакувања со бела грутчеста материја и други предмети.
Четворицата биле приведени во полициска станица. Од МВР најавуваат дека по целосното документирање на случајот против нив ќе бидат поднесени соодветни пријави.