Главниот протестен марш е закажан во Скопје и ќе почне точно на пладне пред Министерството за образование и наука. Во другите градови, според информациите од Иницијативата, родителите ќе се собираат пред општинските згради.
Протестите доаѓаат откако МОН не им излезе во пресрет на барањата кои ги доставија. Претходно учениците по барање на родителите ја бојкотираа наставата во знак на револт против предлог Законот за учебници. Бојкотот е прекинат бидејќи сме на крајот од оваа учебна година, па родителите сметаат дека децата не треба да губат од знаењето.
Освен предлог Законот за учебници, во барањата на Иницијатијавата „Учебници настава мора да има“ имаше точки и за најавеното интегрирање повеќе предмети во еден, но и другите реформи кои се планираат за од септември.