Шпанските фудбалски гиганти Реал Мадрид и Барселона будно ги следат случувањата и потенцијалните драстични санкции за Манчестер Сити. Двата клуба се надеваат дека евентуалната казна ќе им овозможи да ангажираат играчи кои досега беа целосно недостапни на трансфер пазарот. Во прв план на нивните желби се наоѓа норвешкиот голгетер Ерлинг Халанд.
Иако Халанд во јануари 2025 година стави потпис на долгорочен договор со „граѓаните“ без клаузула за испаѓање, се смета дека ѕвезда од негов ранг не би играла во понизок ранг на натпреварување. Каталонците бараат класичен напаѓач по заминувањето на Роберт Левандовски. И покрај одличните партии на Рафиња, раководството на Барселона смета дека им е неопходен напаѓач од светска класа.
Од друга страна, Флорентино Перез сака да оформи нов ѕвезден напад во Реал Мадрид каде Халанд би играл во тандем со Килијан Мбапе. Британските медиуми пренесуваат дека за норвешкиот фудбалер се заинтересирани и европските тимови Арсенал и Баерн Минхен.
Покрај Халанд, „кралскиот клуб“ има интерес и за хрватскиот дефанзивец Јошко Гвардиол. На листата на желби на Мадрид се наоѓаат и други млади таленти како Ајуб Буади, Елиот Андерсон, Енцо Фернандес и Рајан Шерки доколку англискиот тим биде казнет со испаѓање од елитата.