Струмица повторно со чиста вода за пиење, забраната укината

Граѓаните на Струмица од денеска повторно имаат пристап до чиста и безбедна вода за пиење, откако Агенцијата за храна и ветеринарство (АХВ) ја укина забраната за употреба на водата. Одлуката за укинување на ограничувањето е резултат на анализите кои покажаа дека водата повторно ги исполнуа сите потребни стандарди за квалитет, потврди градоначалникот Костадин Костадинов на прес-конференција.

Превентивни мерки и заедничка соработка за иднината

Костадинов истакна дека оваа криза со водоснабдувањето ја нагласила потребата од координирани активности и превентивни мерки. Според него, локалната самоуправа и сите релевантни државни институции треба редовно да соработуваат за да се обезбеди долготрајна безбедност на водата во базенот Турија, каде што првично беше детектирано присустото на повисоки концентрации на манган од дозволените граници. Тој апелираше до институциите да се ангажираат и да соработуваат во интерес на здравјето на граѓаните.

„Овие разговори се клучни за спречување на слични проблеми во иднина,“ рече Костадинов. „Потребна е посветена соработка за да се гарантира дека ова нема да се повтори.“

Костадинов: Струмица останува во ЗЕЛС, но под услови

На прашањето за иднината на Струмица во ЗЕЛС (Заедница на единиците на локалната самоправа), Костадинов потврди дека општината ќе остане дел од заедницата, но под услов. Тој објасни дека покренувањето на ова прашање не било за лични интереси, туку како сигнал до Владата и надлежните министри да обрнат повеќе внимание на проблемите со кои се соочуваат општините.

„Наша цел не беше да го напуштиме ЗЕЛС, туку да поттикнеме поголема ангажираност на националните институции во решавањето на овие прашања,“ изјави Костадинов.

Забраната воведена поради зголемена концентрација на манган

Зараната за користење на водата во Струмица беше воведена кон крајот на минатиот месец поради откриени високи концентрации на манган кои ги надминуваа дозволените стандарди. Ова отстапување ги принуди локалните власти привремено да ја прекинат употребата на водата, а по низа испитувања, квалитетот е сега враќен во нормала.