Поранешниот американски претседател Доналд Трамп рече дека бил во право за лабораториското потекло на коронавирусот. Тој синоќа го сподели своето мислење на Фокс њуз.

„Јас го нарекувам кинески вирус, како што почна да се шири оттаму. „Се појави во лабораторија“, рече поранешниот претседател.

„Реков претходно дека се појавил во лабораторија, но дури сега сите забележуваат дека најверојатно сум бил во право“, додаде тој.

Според него, шефовите на социјалните мрежи, вклучително и на Твитер, енергично ги блокираа луѓето кои објавија непотврдени податоци за вирусот, вклучително и теоријата за неговото лабораториско потекло.

„Апсолутно е ужасно“, рече Трамп. „Но, тој се појави во лабораторија во Вухан“.

Кон крајот на мај, американскиот претседател Џо Бајден рече дека разузнавачката заедница во земјата нема доволно информации за да утврди со сигурност како започна да се шири новиот  вирус  во Вухан.

Американскиот лидер им наложи на тајните служби да ги удвојат напорите да ги проучат сите достапни податоци и да подготват нов извештај за него во рок од три месеци.