ТРАМП НАЈАВИ МОЖЕН ДОГОВОР СО КУБА: Ним им е потребна помош и ние ќе помогнеме

Американскиот претседател верува во дипломатско решение

Претседателот на САД Доналд Трамп денеска изјави дека постои можност за постигнување дипломатски договор со Куба.

Одговарајќи на новинарско прашање во Белата куќа за евентуален договор со Хавана, Трамп рече дека верува оти такво решение е можно.

– Мислам дека да. Куба нè повикува. Ним им е потребна помош. Сепак, Куба е пропадната држава. На Куба ѝ треба помош и ние ќе ѝ помогнеме – истакна Трамп пред медиумите.

Претходно бараше „смена на режимот“

Трамп и претходно упатуваше остри критики кон комунистичките власти на островот. Американскиот претседател ги оценуваше како корумпирани и некомпетентни, а во повеќе наврати јавно повикуваше на „смена на режимот“ во Куба.

Неговите денешни изјави доаѓаат во период на повторни тензии меѓу Вашингтон и Хавана.

Остра реакција од кубанскиот претседател

Од кубанска страна, претседателот Miguel Díaz-Canel вчера жестоко ја осуди актуелната политика на САД кон неговата земја.

Тој оцени дека американскиот пристап е „неморален, нелегален и криминален“.