Властите во Казахстан приведоа петмина високи функционери од Министерството за одбрана по трагичниот инцидент во кој загинаа 14 војници во водите на Каспиското Море. Несреќата се случила за време на неповолни временски прилики, што предизвика и итни кадровски смени во воениот врв на државата.
Меѓу уапсените службеници се наоѓа и првиот заменик-командант на поморските сили на казахстанската војска. Оваа информација официјално ја соопшти Министерството за внатрешни работи на Казахстан по спроведените првични истражни дејствија.
Трагедијата се случила на 24 септември, кога војниците се обидувале да се истоварат од патролен брод на крајбрежјето во исклучително лоши временски услови. Спасувачките екипи успеале да извлечат живи само три лица од разбрануваното море.
Паралелно со апсењата, со претседателски декрет е назначен нов министер за одбрана, објави новинската агенција „Казинформ“. На чело на ресорот доаѓа Аидос Мирзахметов, кој претходно раководеше со силите за специјални операции.