Лос Анџелес ќе биде центар на светската филмска сцена
Во ноќта од недела кон понеделник, хотелот „Беверли Хилтон“ ќе ја пречека 83-тата церемонија на доделување на наградите „Златен глобус“. Настанот е еден од најочекуваните во годината, а љубителите на филмската сцена ќе можат да го следат преку CBS и на YouTube каналот на „Варајати“.
Водителка на церемонијата ќе биде Ники Глејзер, а меѓу презентерите се најавени Аманда Сејфрид, Ана де Армас, Орландо Блум, Памела Андерсон, Снуп Дог и Џорџ Клуни.
Номинации за филмови, серии и новата категорија подкасти
Најмногу номинации за филмови има „One Battle After Another“ со девет, по што следат „Sentimental Value“ со осум, „Sinners“ со седум и „Hamnet“ со шест номинации. Други номинирани се „Bugonia“, „Frankenstein“, „KPop Demon Hunters“, „Jay Kelly“, „It Was Just an Accident“, „Marty Supreme“, „No Other Choice“, „The Secret Agent“ и „Wicked: For Good“.
Во категоријата серии, „White Lotus“ предводи со шест номинации за третата сезона, следат „Adolescence“ со пет и „Severance“ со четири. Други номинирани се „Abbort Elementary“, „The Bear“, „The Beast in Me“, „The Diplomat“, „Hacks“, „Nobody Wants This“, „Only Murders in the Building“, „The Pitt“, „Pluribus“ и „The Studio“.
Оваа година е воведена и категоријата „Најдобар подкаст“, а номинирани се „Armchair Expert with Dax Shepard“, „Call Her Daddy“, „Good Hang with Amy Poehler“, „The Mel Robbins Podcast“, „SmartLess“ и „Up First from NPR“.