Астронаутите на Меѓународната вселенска станица добиле наредба од НАСА да се засолнат во своето вселенско летало и да се подготват за можна итна евакуација, додека рускиот екипаж работи на поправка на влошено истекување воздух во рускиот дел од орбиталната лабораторија, објави „Макфакс“, повикувајќи се на „Ројтерс“.
Според информациите, четворицата астронаути од мисијата Crew-12 — двајца Американци, еден Французин и еден руски космонаут — добиле наредба од контролата на мисијата на НАСА да се качат во вселенското летало Crew Dragon, приклучено на станицата, и да облечат вселенски одела во случај истекувањето да наложи евакуација.
Портпаролката на НАСА, Бетани Стивенс, соопшти дека транзитниот тунел на сервисниот модул „Ѕвезда“, познат како PrK, веќе подолго време има пукнатини и протекувања, што Роскосмос досега ги ублажувал со оперативни мерки и делумни поправки. Таа нагласи дека НАСА внимателно ја следи состојбата и дека двете вселенски агенции работат на утврдување на основната причина за проблемот.
The Zvezda service module transfer tunnel, known as PrK, has suffered from cracks and leaks for some time, and has been mitigated by Roscosmos as much as possible to date. The cracks have always been a concern that NASA watches very closely. NASA and Roscosmos have been working…
— Bethany Stevens (@NASASpox) June 5, 2026
По новите протекувања, Роскосмос одлучил да спроведе пообемна операција за поправка. Од претпазливост, НАСА им наредила на членовите на мисијата Crew-12, како и на астронаутот Крис Вилијамс, да одржуваат зголемено ниво на безбедност во леталото Dragon додека траат поправките.