Премиерот Мицкоски неделава треба да се сретне со членовите на банкарската асоцијација. Очекува да се најде заеднички јазик со банките за каматите на кредитите од унгарскиот кредит, да бидат прифатливи за компаниите.
„Ние кога го земавме кредитот, заедно со банките работевме на случајот тие да не бараат дополнителни трошоци, бидејќи сите сме свесни и гледаме како некоја банка објавува профити. Нивните милиони се множат, а ова е нешто што заеднички треба да го споделиме како ризик. Банкарите често ме прашуваат како да помогнат? Еве начин, на овој начин се помага … со тапкање по рамо не се помага. Ајде заедно со државата да го споделиме овој ризик“, изјави премиерот Мицкоски.
Премиерот Мицкоски бара ризикот да биде споделен, а банките да покажат општествена одговорност.