Денеска е објавено видео од проектил кој паднал во Киев, на неколку десетици метри од цивил кој се движи по пешачка патек.
Би-би-си пишува дека утврдиле дека снимката е веродостојна со геолокација на местото каде се случил ударот. Во екслозијата загинал најмалку еден цивил , а шестмина се повредени.
Инаку, како што претходно соопштија од канцеларија на јавното обвинителство на Украина во воените дејствија на руската армија во земјата досега се убиени 90 деца.
Според информацијата објавена денеска преку платформата „Телеграм“, од почетокот на руската агресија во Украина се убиени 90, а ранети повеќе од сто деца. Најмногу од жртвите по региони има во Киев, следува регионот Харков, потоа во регионот Доњецк, Чернигив, Суми, Херсон, Миколаев и Житомир.
Во текот на вчерашниот ден се убиени две деца, а две ранети при ракетирање цивилни објекти во регионот Миколаев.
Во бомбардирањата и гранатирањата се оштетени 379 образовни установи, 159 од нив се целосно уништени. Најмногу од нив – 119 се во Доњецката област, потоа следуваат регионот Миколаев со 30, регионот Суми со 28, регионот Киев со 35, регионот Херсон со 21 и градот Киев со 24 уништени образовни објекти.
Конечните податоци допрва ќе се објавуваат бидејќи е невозможно да се направи увид на места каде во тек се интензивно воени дејствија, објавуваат украинските медиуми.