Турската полиција започна опсежна потрага по маж кој денеска уби осум луѓе во три села во западниот дел од земјата. Инцидентот предизвика вознемиреност кај локалното население, додека безбедносните служби работат на терен за расчистување на случајот.
Според извештаите на турските медиуми, полициските сили активно трагаат по маж кој управувал црвен автомобил, а кој бил забележан како со голема брзина бега од местото на вооружениот инцидент.
„Осум наши граѓани ги загубија животите, а друг е сериозно повреден во вооружен напад во нашата покраина“, соопшти канцеларијата на гувернерот на Афјонкарахисар.
Првично биле пронајдени две жени со сериозни прострелни рани на патот во селото Јукаритандир. И покрај итната реакција на медицинските служби и нивното брзо префрлање во најблиската болница, двете жени им подлегнале на тешките повреди.
Во рамки на истрагата и пребарувањето на теренот, уште три тела биле пронајдени во атарот на селото Кијир, додека дополнителни три беживотни тела биле лоцирани во селото Ајазини.
Едно повредено лице било пронајдено во критична здравствена состојба и по укажаната прва помош итно било превезено во болничка установа за понатамошно лекување.