Во изминатата седмица во Грција биле регистрирани 45 нови случаи на вирусот Западен Нил, со што бројот на заразени од почетокот на летото се зголеми на 110. Регистрирани се и три нови смртни случаи, според податоците од неделниот извештај на Националната организација за јавно здравје (ЕОДИ).
Од вкупно 110 заразени, 81 пациент се со симптоми на централниот нервен систем (енцефалитис и/или менингитис и/или акутна парализа). Од заразените, 35 се хоспитализирани, 61 пациент бил пуштен од болница, а за петмина заразени не била потребна хоспитализација.
Лани во Грција беа регистрирани 96 случаи, а починаа девет лица.