Се најавува дополнително зацврстување на политичката позиција
Од политичката коалиција ВРЕДИ соопштија дека процесот на обединување во единствен политички субјект се наоѓа во завршна фаза, што, според нив, дополнително ја зајакнува нивната позиција на политичката сцена во државата.
Од таму наведуваат дека ваквиот развој ја потврдува нивната улога како значаен политички фактор.
„Со тоа, и официјално се потврдува како втора политичка сила во државата. Владата има стабилно и значително мнозинство, со тенденција дополнително да се окрупнува, се наведува во соопштението од ВРЕДИ што МИА го пренесува интегрално.“
Резултати од избори и пораки за политички фокус
ВРЕДИ посочува дека резултатите од локалните избори ја потврдуваат довербата на граѓаните, наведувајќи дека се освоени 10 општини со доминантно албанско население.
„И резултатите од неодамнешните локални избори јасно го покажуваат тоа ВРЕДИ освои 10 општини, односно околу 80% од општините со доминантно албанско население. Тоа е јасна и недвосмислена потврда каде е довербата на граѓаните.“
Од коалицијата додаваат дека политичкиот фокус треба да биде насочен кон подобрување на животниот стандард и зајакнување на институционалните услуги.
„Сметаме дека главниот фокус треба да биде испорака на политики што ќе го подобрат животниот стандард на граѓаните и ќе ги зајакнат сервисните функции на извршната власт, посочуваат од ВРЕДИ.“