Министерство за одбрана на Азербејџан денеска соопшти дека синоќа се заробени шест ерменски војници додека се обидувале да ја преминат границата, а информацијата ја потврди и Ереван.
Во соопштението се прецизира дека диверзантската група на ерменската армија се обидела да навлезе на територијата на Азербејџан во правец на областа Јукари Ајрим во пограничната област.
– Со брза акција, шестмина ерменски војници беа опколени и заробени, се наведува во соопштението.
Ситуацијата на ерменско-азербејџанската граница е тензична откако Ерменија го обвини Азербејџан на 12 мај за испраќање трупи преку границата.
Азербејџан вчера ја обвини Ерменија за прекуграничен напад врз нејзините сили помеѓу 24 и 26 мај.