Поранешниот министер за економија, Крешник Бектеши, е најзвучното име меѓу многуте кои остануваат во притвор за трагедијата во Пулс. Судот денеска му го продолжи притворот за нови 30 дена.

Неговиот адвокат, Еленко Миланов, веднаш најави дека ќе поднесе жалба на ова решение, барајќи поблага мерка.

Домашен притвор за други осомничени во истрагата за трагедијата во Пулс

Од затворот во Куманово, поранешниот градоначалник Љупчо Папазов се префрла во домашен притвор.
Истиот исход го добија и поранешниот директор на Пазарниот инспекторат Горан Трајковски, еден инспектор и член на обезбедувањето.

Дополнително, во домашен притвор се и:

  • Поранешните градоначалници на Кочани, Ратко Димитриевски и Николчо Илиев,

  • Поранешната директорка на Пазарна инспекција, Анета Симеска Димоска,

  • Поранешните министри за економија, Ваљон Сарачини и Беким Незири.

За поранешниот амбасадор Дритон Кучи се изречени мерки на претпазливост.

Нов пресврт: Полицаец сам се пријави во Обвинителството

Интересен развој забележан утринава. Полицаецот кој претходно беше недостапен за органите на прогонот, самиот се пријавил во Обвинителството. Сега се наоѓа пред судија за претходна постапка.

Еден месец по трагедијата во „Пулс“: Инспектори, функционери и сопственици – истрагата опфаќа над 60 физички и 3 правни лица

Од обвинителството потврдуваат дека истата истражна екипа продолжува да го води случајот за трагедијата во Пулс, без повлекувања под притисок.

Политички тензии околу истрагата за трагедијата во Пулс

ДУИ излезе со обвинување дека истрагата за трагедијата во Пулс се води под политички притисок.
Тие тврдат дека вината се префрла селективно врз одредени функционери.

Опозицијата, пак, обвинува дека истрагата е селективна и дека се таргетираат само поранешни функционери.
Портпаролката на СДСМ, Богданка Кузеска, изјави:

„Одговорност се бара само за службеници до 2022 година. Но, каде е одговорноста на оние што на 16 март 2025 беа на високи функции?“

Големи размери на истрагата: 59 осомничени за трагедијата во Пулс

Во истрагата за најголемата трагедија во поновата историја на Македонија, опфатени се вкупно 59 лица.
Трагедијата во Пулс остави длабок белег, а одговорноста допрва ќе се расчистува на суд.

Извор: Слободен печат