Актерката вели дека генетиката и менталната состојба се клучни за нејзиниот изглед
Џоан Колинс откри што според неа е тајната за младоликиот изглед и добрата форма, нагласувајќи дека голема улога имаат генетиката и менталната стабилност.
Актерката смета дека наследството е еден од главните фактори за нејзиниот изглед, кој го опишува како резултат на „многу добри гени“.
Таа истовремено посочи дека големо значење има и менталното здравје.
„Моето ментално здравје е совршено“, вели Колинс, додавајќи дека токму тоа е една од основите за нејзината долговечност и свежина.
Не сака козметички корекции и преферира природен изглед
За разлика од многу јавни личности, Колинс не е поддржувач на козметички процедури и естетски корекции.
Актерката јасно ставила до знаење дека избегнува козметички интервенции и дека преферира природен пристап кон стареењето и одржувањето на изгледот.
„Ги мразам фармерките“
Џоан Колинс со години е препознатлива по елегантниот стил и гламурозните комбинации на јавните настани и црвените теписи.
Во интервју за Vogue во 2019 година, таа открила дека има јасен став кога станува збор за модата.
„Сите завршуваат во фармерки и маица, што го сметам за трагично. Ги мразам фармерките. Ги мразам, едноставно не се ласкави на фигурата“, изјави таа.
„Особено ги мразам искинатите фармерки, без разлика дали се со дупки на колената или некаде на друго место. Не сакам ниту маички со логоа. Сакам да се чувствувам удобно, но сакам да бидам елегантна.“