Нови евакуации на ученици по закани за бомби
Во Загреб се во тек нови евакуации на ученици поради дојави за поставени бомби. Според достапните информации, гимназијата „Луцијан Врањанин“ во западниот дел од градот веќе е евакуирана.
Полицијата на терен, пријави и во други градови
Полициската управа во Загреб потврди дека е запознаена со случајот и дека презема активности. Слични пријави пристигнале и во училишта во Сплит, а заканите биле испратени и до редакции на медиуми.
Над 500 лажни дојави минатата недела
Минатата недела Хрватска се соочи со серија лажни закани за бомби, кои предизвикаа прекин на наставата во повеќе училишта. Освен образовните установи, пријави добиле и градинки, трговски центри, како и институции како Владата, Собранието и полицијата. Во период од пет дена биле регистрирани над 500 пријави, а по истрагата било утврдено дека сите биле лажни.