Германија, Франција и Велика Британија испратија заедничка порака со остро осудување на иранските напади врз земјите во регионот. Тројцата лидери побараа Техеран веднаш да се воздржи од неселективни воени дејствија и да се врати на разговори.
„Нajsилно го осудуваме иранските напади врз земјите во регионот“, порачаа францускиот претседател Эмануел Макрон, германскиот канцелар Фридрих Мерц и британскиот премиер Кеир Стармер во заедничко соопштение.
Во пораката тие ги повикаа иранските власти да продолжат со преговорите и решенијата да ги бараат преку дијалог. „На иранскиот народ мора да му се овозможи самостојно да ја одлучува својата иднина“, додадоа лидерите.
Во соопштението беше нагласено дека нивните земји и претходно апелирале до иранските власти да го обустават нуклеарниот програм, да го ограничат балистичкиот програм, да се воздржат од дестабилизирачки активности и да престанат со репресијата и насилството врз сопствениот народ.
Макрон, Мерц и Стармер посочија дека нивните држави не учествувале во саботните напади, но дека се во тесна координација со меѓународни партнери, меѓу кои САД, Израел и други земји од регионот.
„Повторно ја потврдуваме нашата посветеност на регионалната стабилност и заштитата на цивилните животи“, порачаа Макрон, Мерц и Стармер.