Фицо е во стабилна состојба
Словачкиот министер за здравство даде позитивна прогноза за здравствената состојба на словачкиот премиер Роберт Фицо по обидот за атентат во средата. Операцијата која траела два часа, придонела за позитивна прогноза за здравјето на премиерот“, изјави пред новинарите министерката за здравство, Зузана Долинкова.
Пет куршуми го погодија неговото тело
На 15 мај, словачкиот премиер Роберт Фицо беше застрелан со пет куршуми по одложената владина седница во градот Хандлова. Против приведениот 71-годишен старец е поднесена пријава за убиство во обид. Станува збор за писателот Јурај Цинтула од градот Левице.
(АНАЛИЗА) Кој е Јурај Цинтула – писателот кој пукаше во премиерот Роберт Фицо?
Цинтула е во притвор – ја призна вината
Специјализираниот кривичен суд вчера заседаваше на притвор на Цинтула и му одреди притвор.
„Причината се стравувањата од потенцијално бегство или дека криминалната активност која може да продолжи“, изјави за АФП портпаролката на судот Катарина Кујакова.
Одлуката уследи по барањето на обвинителот поднесено во петокот. Цинтула беше обвинет за обид за убиство со умисла. Тој ја призна својата вина.
Само неколку сантиметри меѓу животот и смртта
Министерот за внатрешни работи Матуш Сутаи Есток претходно изјави дека ако еден од истрелите „одеше само неколку сантиметри повисоко, ќе го погодеше црниот дроб на премиерот“.
Министерот за одбрана и вицепремиер Роберт Калињак, најблискиот политички сојузник на Фицо, рече дека премиерот е свесен и во добра состојба да закрепне.
„Мислам дека не може да биде однесен во Братислава во наредните денови, неговата состојба е сè уште сериозна“, изјави тој за новинарите надвор од болницата. Калињак за новинскиот канал ТА3 подоцна во саботата изјави дека Фицо се здобил со четири прострелни рани, две лесни, една средна и една тешка. Тој додаде дека лекарите го отстраниле целото потенцијално заразно ткиво од неговите рани за време на операцијата во петокот.