Еден од главните аргументи на властите за воведување на полицискиот час од 22 часот, беше дека младите се собираат во големи бројки во доцните вечерни часови и тоа придонесува до зголемена трансмисија на коронавирусот. Но, денеска екипата на Лидер беше присутна на локациите кои се најпосетувани од младите, каде можеше да се увиди дека истите собири повторно се случуваат, само што тоа е пред 22 часот.
Екипата на Лидер беше во обиколка на овие фреквентни локации на кои се собираат младите луѓе, да видиме како тие се однесуваат пред почетокот на забраната за движење.
Она што можеше да се забележи, е дека стотина млади луѓе беа собрани на „Фонтана“ во градскиот парк во Скопје пред почетокот на рестриктивната мерка, а полицијата само следеше и не воспоставуваше никаков ред.
Погледнете ги фотографиите:
