Петнаесетгодишно момче украло автобус за јавен превоз во Висбаден, главниот град на покраината Хесен, и го однело до Карлсруе, оддалечен 130 километри
Петнаесетгодишно момче украло автобус за јавен превоз во Висбаден, главниот град на покраината Хесен, и го однело до Карлсруе, оддалечен 130 километри. Тоа го направил за својата 14-годишна девојка.
Според полицијата, тинејџерот провалил во просториите на компанијата за јавен превоз во Висбаден на 13 март. Го отклучил автобусот со клуч, но полицијата сè уште не знае како го добил клучот и како знаел толку добро да го вози автобусот.
Во шест часот наутро било забележано дека автобусот, кој бил наполнет со гориво во текот на ноќта, го нема. Кражбата не била пријавена во полицијата до пладне бидејќи се претпоставувало дека возачот се качил на погрешен автобус.
По пријавата, истрагата довела до Карлсруе, каде што полициска патрола го пронашла автобусот. Непосредно пред тоа, тинејџерот ја зел својата девојка, која имал намера да ја однесе на училиште, објавува германскиот весник BR24.