Потрошувачките цени пораснаа за 3,8% на годишна основа, што е во согласност со прогнозата на економистите анкетирани од „The Wall Street Journal“, пишува „MarketWatch“. Цените се зголемија за 3,1% на годишна основа според стандардите усогласени од Европската унија, како што беше прогнозирано.
Повисоката инфлација последен пат е забележана во декември 1993 година, според статистичката служба.
На месечно ниво, потрошувачките цени пораснаа за 0,9%, што исто така е во согласност со прогнозата на економистите анкетирани од „The Wall Street Journal“. Цените се зголемија за 0,5% според усогласените стандарди на ЕУ, повторно во согласност со прогнозите.
Забрзувањето на инфлацијата главно се должи на основниот ефект на привременото намалување на данокот на додадена вредност во претходната година.
„Ненадејниот основен ефект што се случи во јули 2021-ва година беше очекуван, бидејќи намалувањето на даноците им беше пренесено на потрошувачите пред една година, што вклучуваше пониски цени за многу производи“, вели Кристоф-Мартин Меј, раководител за статистика на потрошувачите во статистичката служба.
Цените на стоките пораснаа за 5,4% на годишна основа, а цените на храната се зголемија за 4,3% на годишна основа.
Цените на енергијата беа за 11,6% повисоки од претходната година, откако во јуни се зголемија за 9,4%.
Покрај даноците за јаглерод воведени на почетокот на годината и основниот ефект на ниските цени на енергетските производи регистрирани една година порано, забрзувањето на инфлацијата се должи и на сегашниот пораст на цените на енергијата. Инфлацијата, без цените на енергијата, изнесува 2,9% во јули.
Цените на услугите се зголемија за 2,2% минатиот месец во споредба со истиот месец во 2020-та година, покажуваат податоците.