МОН потфрли со исплата на студентскиот оброк: Веќе требаше да биде исплатен, а нема ни одлука кои студенти се прифатени

Студентите извисија за студентскиот оброк, кој требаше веќе да биде исплатен, а се уште нема ниту одлука дали се прифатени апликациите.

Студентите се разочарани велат дека им доцни исплатата на средства кои им се неопходни во оваа криза и очекуваат да им се зголеми и сумата на оброк со оглед на инфлацијата.

Од Министерство за образование и наука велат дека конкурсот за апликации траел до 3ти Декември и им било потребно повеќе време да ги разгледаат податоците за секој студент кој аплицирал, а тие се во голем број.

Од МОН додаваат дека пристигнале над 31.000 апликациии за исплата на оброк и велат дека проверуваат кои студенти ги исполниле критериумите.

Претседателот на Универзитестото студентско Собрание вели дека тој лично ќе се залага средствата да бидат исплатени и очекува веќе во наредната недела да почне исплатата на оброк за два ипол месеци, половина септември и октомври и ноември.

Пред еден месец имаше протест на кој голем дел од студентите го искажаа своето незадоволство од законските измени за кратење на можноста сите студенти да земаат студентски оброк. Тие тогаш успееа да издејствуваат да нема кратење на правото на оброк, но не добија повисок оброк од 140 денари како што бараа, тој остана 120 денари дневно.

Со досегашното решение во Законот за студентски стандард околу 40.000 македонски студенти на додипломски студии почнаа да добиваат по 2.400 денари месечно за здрава храна.