Деновите на младиот фудбалер Алехандро Балде во дресот на Барселона изгледаат целосно избројани. Одлуката на тренерот Ханси Флик повторно да не смета на неговите услуги ги вжешти шпекулациите на трансфер пазарот. Оваа одлука доаѓа токму во деликатен период кога каталонскиот тим се соочува со сериозен недостиг на одбранбени фудбалери поради повреди.
Шпанските спортски медиуми пренесуваат дека раководството на Барселона планира да ја реконструира дефанзивната линија во претстојниот зимски преоден рок. Со цел клубот да реализира нови трансфери и да ги исполни строгите финансиски прописи, ќе мора да ослободи простор во платите и да оствари финансиски прилив. Токму Балде се издвојува како главен кандидат за продажба во јануари, а целата атмосфера дополнително ја отежнува нарушениот личен однос со германскиот стратег.
За 23-годишниот дефанзивец постоеше конкретен интерес уште во текот на летниот преоден рок, пред сè од англиски клубови од Премиер лигата, но играчот тогаш избра да остане во тимот и да се бори за своето место во стартниот состав. Флик веќе јавно истакна одредени критики кон фудбалерот:
На Балде му недостига самодоверба потребна за да го достигне највисокото ниво.
Ваквите пораки само ги зацврстија најавите дека разделбата меѓу Барселона и левиот бек ќе се случи на почетокот на новата календарска година.