Не сум се сретнал со Никола Груевски, но функционери од СДСМ и ДУИ се сретнале – наскоро ќе објавам докази, вели Мицкоски

За време на својата посета на Будимпешта, премиерот Христијан Мицкоски изјави дека не се сретнал со поранешниот премиер Никола Груевски, кој веќе шест години живее таму како политички азилант. Сепак, тој посочи дека функционери на СДС и ДУИ, тајно договарале со Груевски и најави дека ќе ги објави доказите за овие средби.

ДУИ и СДС – „тајни преговори“ за враќање на Никола Груевски

Не е првпат да се слушнат информации дека ДУИ и СДС, додека беа на власт, работеле зад затворени врати на сценарија за враќање на Груевски. Од партијата ВЛЕН тврдат дека ДУИ преку разни канали комуницирале со Груевски, договарајќи потенцијални решенија за негово враќање во Македонија.

„Веќе има докази дека ДУИ преку разни форми бил во контакт со Груевски, со кого се разговарало за негово враќање, бидејќи од тоа зависела иднината на ДУИ и СДС. Јавно прашуваме како помина вечерата на министерот Бујар Османи со Груевски на 6 септември 2023 година во Будимпешта? Каков вкус имаше вечерата, кога се планирало ‘триумфално’ враќање на Груевски?“, прашуваат од ВЛЕН.

• ДУИ подготвувале операција за враќање на Груевски во Македонија, обвинуваат од ВРЕДИ

Тајна средба во Вила Водно – договарано помилување?

Според ВЛЕН, во март 2023 година, во Вила Водно се одржала тајна средба на која присуствувале Стево Пендаровски, Димитар Ковачевски, Бојан Маричиќ, Али Ахмети, Артан Груби и Бујар Османи. Главната тема била како Груевски да се врати во Македонија со помилување од претседателот.

Пендаровски на крај беше „принуден“ да признае дека бил консултиран за оваа можност, но ја отфрлил.

„На неформален план, повеќе актери на политичката сцена ме консултираа за оваа можност. Категорично им кажав дека никогаш нема да го направам тоа, бидејќи тоа е уништување на правната држава“, изјави Пендаровски.

Секако, оваа изјава не одговара на прашањето зошто воопшто се дискутирало за вакво сценарио.

Груевски – шест години во азил, но сè уште во центарот на политичките игри

Никола Груевски доби политички азил во Унгарија во ноември 2018 година, откако беше осуден за криминал и избеган од земјата со помош на луѓе од тогашната власт. Сепак, и по шест години, неговото име се споменува како фактор во политичките пазари меѓу поранешната власт.

Иако ДУИ и СДС една година се надвор од власта, очигледно дека додека беа на функција, биле многу „загрижени“ за судбината на Груевски, па дури и договарале начини како да го вратат, наместо да го гонат за криминалот за кој беше осуден.

Извор: Алсат