Австралискиот тенисер Ник Киргиос е суспендиран откако во неговиот примерок е откриен бензоилекгонин, метаболит на кокаинот. Примерокот бил земен за време на турнирот АТП 250 во Љорет де Мар на 22 јуни 2026 година.
Лабораторија акредитирана од Светската антидопинг агенција (WADA) на 17 јули потврдила присуство на супстанцијата во примерокот на Киргиос.
По објавувањето на суспензијата, австралискиот тенисер се огласи преку социјалните мрежи и им се извини на своите фанови, семејството, спонзорите и блиските.
„Им се извинувам на моите фанови, моето семејство, моите спонзори и на сите блиски до мене. Прво, им се извинувам на децата што ме следат. Знам каков пример поставува ова и длабоко сум разочаран од себе“, рече Киргиос.