Вишото јавно обвинителство во Зајечар повторно го достави обвинението против Дејан Драгиевиќ и Срѓан Јанковиќ за тешкото убиство на двегодишната Данка Илиќ. Предметот претходно беше вратен на доработка од судот за „подобро разјаснување на состојбата“.
Иако телото на девојчето сè уште не е пронајдено, обвинителството смета дека собраните докази се доволни за судски процес. Осомничените се товарат дека на 26 март 2024 година ја удриле Данка со службено возило, а потоа, наместо да ѝ помогнат, ја усмртиле и ја фрлиле на депонија.
Во случајот е опфатен и Радослав Драгиевиќ, таткото на еден од осомничените, кој се товари за помагање и непријавување на делото.
Доколку обвинението биде потврдено и вината се докаже, на осомничените им се заканува казна доживотен затвор.