Од утре започнува тестирањето на 8200 ученици од основните и средните училишта

Тестирањето ќе се одвива по случаен избор од регистарот на Е-дневникот и ќе биде потребна согласност на нивните родители.

Скринингот е предвиден да трае пет дена, а дневно да бидат тестирани по околу 1600 деца, во самите училишта од мобилни екипи. Тестирањето во средните и основни училишта, како што појаснуваат надлежните се одвива се со цел да се добие податок за евентуална трансмисија на вирусот во училиштата.

Досега во училиштата се вакцинирани околу 75 отсто од наставниците, додека настава на далечина следат околу два проценти од учениците, според податоците на Министерството за образование и наука.