Русија ќе продолжи редовно да изведува масовни групни удари врз објекти во Украина од чие функционирање директно зависи борбената способност на украинските вооружени сили, изјави рускиот министер за надворешни работи Сергеј Лавров.
Тој ова го соопшти пред новинарите, коментирајќи го украинскиот напад со беспилотни летала врз Москва.
„Не е случајно што претседателот пред извесно време, по уште една провокација на киевскиот терористички режим, објави дека отсега редовно ќе нанесуваме масовни групни удари врз цели од чие функционирање директно зависи борбената способност на Вооружените сили на Украина. Таа задача е поставена од врховниот командант, а нашите вооружени сили ја спроведуваат и ќе продолжат да ја спроведуваат“, изјави Лавров.
Тој додаде дека со продолжувањето на ваквите удари се реализира задачата што ја поставил рускиот претседател Владимир Путин.