Додека Советот за безбедност го одржуваше својот прв јавен состанок, по два приватни минатата недела, израелскиот премиер Бенјамин Нетанјаху рече дека „израелската кампања против Хамас продолжува со полна сила“.
– САД неуморно се обидуваат да го запрат овој конфликт преку дипломатски канали затоа што веруваме дека Израелците и Палестинците имаат еднакво право на безбедно живеење, рече американската амбасадорка во САД, Линда Томас-Гринфилд пред Советот за безбедност.
Силниот сојузник на Израел, Вашингтон, е изолиран во Обединетите нации поради приговорите на јавната изјава на Советот за безбедност за најтешкото насилство меѓу Израел и Палестинците во последните неколку години, бидејќи е загрижен дека може да и наштети на задкулисната дипломатија.
– Ги повикуваме САД да преземат одговорност, да заземат фер став и, со мнозинството меѓународна заедница, да го поддржат Советот за безбедност во ублажувањето на ситуацијата, рече кинескиот министер за надворешни работи Ванг Ји, кој претседаваше со вчерашниот состанок.
Генералниот секретар на ОН, Антонио Гутереш, рече дека Обединетите нации „активно ги ангажираат сите страни со цел прекин на огнот“ и ги повика „да овозможат интензивирање и успех на мировните напори“.
Напорите на Египет, Катар и Обединетите нации за примирје досега не дадоа знаци за напредок.
САД, пак, испратија пратеник во регионот, а претседателот Џо Бајден разговараше во саботата со Нетанјаху и палестинскиот претседател Махмуд Абас.
– Во сите овие ангажмани со израелски официјални лица, палестинските власти и регионалните партнери, САД јасно ставија до знаење дека се подготвени да обезбедат поддршка и добри услуги доколку страните побараат прекин на огнот, рече Томас-Гринфилд.
Министерството за здравство во Газа соопшти дека досега загинале 197 лица, меѓу кои 58 деца и 34 жени. Во Израел се убиени десет лица, вклучувајќи и две деца, соопштија израелските власти.
– Секојпат кога Израел ќе слушне како странски лидер зборува за своето право на одбрана, дополнително се охрабрува да продолжи да убива невини семејства во сон, рече палестинскиот министер за надворешни работи Ријад ал-Малки пред Советот за безбедност.
Израелскиот амбасадор на ОН, Гилад Ердан, рече дека „одговорот на Израел на неселективните напади на Хамас строго се придржува кон меѓународното право“ и дека „Израел презема големи чекори за да спречи зголемување на бројот на цивилни жртви“.
– Израел користи ракети за да ги заштити своите деца. Хамас користи деца за да ги заштити своите ракети, рече Ердан.
Претставникот на ОН за Блискиот исток, Тор Венесленд ја повика меѓународната заедница „да преземе итни мерки за да им се дозволи на Израел и Палестина да се повлечат од работ