Скопје, 30 март 2025 – СДСМ побара лидерска средба, а Венко Филипче дал прелог за решение за нов градоначалник за Кочани. Премиерот Христијан Мицкоски го отфрли предлогот како прерано дејствие и политиканство по настанот во Кочани. Опозицијата изрази незадоволство од истрагата, барајќи анкетна и странска комисија, додека Мицкоски нагласи дека се работи за истите обвинители избрани од СДСМ и ДУИ.
Предлог за градоначалник и реакција на Мицкоски
СДСМ, предводена од Венко Филипче, побара лидерска средба и даде предлог за градоначалник на Кочани. Мицкоски изјави:
„Не би влегувал во таков тип на политиканство. Прарано е, раните од настанот во Кочани сè уште не се залечени. Прерано е да дискутирам за градоначалник или избори, тоа би било дополнителна болка за луѓето што ги загубија своите најмили. Сè уште не се поминати 40 дена од настанот, а некој зборува за избори. Им оставам на чест и совест.“
Тој додаде дека лидерска средба е „пресериозна тема“ и дека Филипче може да го соопшти својот план на прес-конференција. „Ако сака прво да ме запознае со проблематиката и предлозите, подготвен сум да го примам во термин што му одговара и сериозно да разговараме“, рече тој.
Незадоволство од истрагата за пожарот и трагедијата во Кочани?
СДСМ предложи анкетна комисија за пожарот во Кочани, а ДУИ побара вклучување на странска комисија во истрагата за пожарот. Двете партии изразија незадоволство од работата на обвинителството. Мицкоски истакна дека станува збор за истите обвинители избрани од СДСМ и ДУИ.
„Утрото по настанот во Кочани пристигна обвинителот со своите соработници, Ислам Абази и Гаврил Бубевски. Не треба многу да говорам за овие имиња, јасно е од чии тефтери доаѓаат“, рече тој.
Тој подвлече дека повлекувањето од процесот за обвинителите не е трајно.
„Истите обвинители се миленици на СДСМ и ДУИ, кои сега велат дека не се задоволни од истрагата“, додаде Мицкоски.
Прашања за минатите истраги
Мицкоски ги предизвика СДСМ и ДУИ за нивниот став кон претходни случаи.
„Дали беа задоволни од истрагите за Ласкарци, Беса Транс, модуларната болница или трговскиот центар во Соравија? Јас не бегам от истрагата за пожарот во Кочани и ужасната трагедија, но ајде да ја прошириме со сите случаи што завршија како што завршија“, рече тој.
Тој нагласи дека владата дала простор за истрага за да се утврди одговорноста во ужасната трагедија во Кочани