Веќе една недела жителите од Преспанскиот регион и полицијата трагаат по 27 годишниот Ислам Лумани од селото Крани, кој исчезнал на 21 март и оттогаш нема никакви информации за него.
Покрај семејството на Лумани, апел за помош побара и градоначалникот Живко Гошаревски, кој побара секој што го видел и препознал да пријави во полиција.
– Полициските служби од полициската станица- Ресен, специјални полициски единици, екипи од Дирекцијата за заштита и спасување, пожарникарните, ренџерските служби и локалното население активно учествуваат во потрагата на Ислам Лумани од село Крани. Се до овој момент, нема големи индиции и докази дека лицето се наоѓа во водите на Преспанското Езеро или неговото крајбрежје. Истрагата продолжува понатаму, а секој оној што го видел или некаде го препознал Ислам Лумани, да пријави во најблиската полициска станица или на бројот 192, посочи Гошаревски
Лумани, како што соопшти семејството, домот го напуштил на 21 март во 10 часот наутро, бил обчелен во сини пантолони, црно палто и црни чевли. Тој последно бил виден неделата наутро, кога тргнал кон плажата во Крани.
-Во недела (21.03.2021) во 10 часот наутро е виден за последен пат нашиот другар Ислам Лумани, тој имаше облечено сини пантолони, црно палто и црни чевли. Се знае дека тој е тргнат да оди кон плажата во с. Крани, но постои можност да тој е отиден во сеуште непознат правец. Браќа и сестри, помогнете да го најдеме нашиот брат жив и здрав. Секоја информација од ваша страна може да ги смири нашите срца, пишува во еден апелите за негово пронаоѓање, пишува во една од објавите за негово пронаоѓање.