Најниска утринска температура на Попова Шапка, измерени –4 степени
Најстудено утрово било на Попова Шапка, каде е измерена температура од –4 степени Целзиусови, а снежната покривка достигнала 33 сантиметри, соопштуваат од УХМР.
Ниски температури низ целата држава
Температура од –3 степени е регистрирана во Крушево, додека –2 степени се измерени во Маврови Анови, Берово, Тетово и Крива Паланка. Во Скопје-Зајчев Рид, Прилеп, Куманово, Битола, Штип и Кавадарци утринската температура изнесувала –1 степен. Нула степени се измерени во Скопје-Петровец, Претор, Струмица, Велес, Охрид, Виница, Гевгелија и Демир Капија.
Снежна покривка највисока на планините
До 7 часот изутринава, највисока снежна покривка е измерена на Попова Шапка со 33 сантиметри, потоа следуваат Маврови Анови со 15, Битола со 13 и Ѓуриште со 8 сантиметри. Во Крушево снежната покривка изнесувала 7 сантиметри, во Тетово и Штип по 5, додека во Берово, Претор и Струмица по 2 сантиметри. Во Виница и Крива Паланка измерен е 1 сантиметар снег.
Најмногу дожд во Гевгелија
Во изминатите 24 часа најмногу дожд наврнал во Гевгелија, каде се измерени 14 литри на квадратен метар. Во Струмица и Ѓуриште се регистрирани 8 литри, во Маврови Анови 7, а во Битола и Берово по 6 литри. По 4 литри се измерени во Скопје-Петровец, Пожаране, Штип, Претор и Виница, додека во Тетово 3, во Крушево и Крива Паланка по 2, а во Велес, Охрид, Скопје-Зајчев Рид и Тополчани по 1 литар на квадратен метар.