Арсен Венгер сериозно размислува да влезе во трката за претседател на ФИФА и да му биде директен противкандидат на актуелниот прв човек на светската куќа на фудбалот, Џани Инфантино.
Според информациите што ги објави францускиот спортски весник „Л’Екип“, Венгер би требало официјално да се изјасни за својата одлука кон средината на следната недела.
Во меѓувреме, поранешниот долгогодишен менаџер се очекува да одржи неколку консултативни состаноци со лица и фудбалски работници кои отворено го охрабруваат да поднесе официјална кандидатура за претседателската функција.
Неговото долгогодишно меѓународно искуство и стекнатиот висок углед на глобалната фудбалска сцена би можеле да му обезбедат значителна поддршка од страна на поголем број национални федерации ширум светот.
Со оглед на неговата возраст од 77 години, во фудбалската јавност се шпекулира дека доколку добие доверба на изборите, тој би останал на чело на светската организација само еден четиригодишен мандат.