Денеска во ново видео Хамас ја објави смртта на двајцата израелски заложници киднапирани од јужен Израел на 7 октомври.
Во видеото објавено од палестинската исламистичка организација, млада жена, исто така заложничка, која очигледно е под притисок, тврди дека се убиени двајца мажи со кои била држена.
Военото крило на Хамас во соопштение наведе дека „тие се убиени во ционистичкото бомбардирање на Газа“.
Сепак, нема датум на снимката.
Во неделата вечерта Хамас објави видео на кое се гледаат сите тројца заложници живи, барајќи од израелските власти да работат на нивното ослободување.
Израелските медиуми објавија дека младата жена Ноа Аргамани била киднапирана за време на музички фестивал.
На видеото беше објавено и дека Јоси Шараби и Итаи Свриски биле киднапирани од Кибуц Бери.