Во областа Каламарија во Солун, во неделата се случи необичен природен феномен што ги изненади жителите и посетителите

 

Во областа Каламарија во Солун, во неделата се случи необичен природен феномен што ги изненади жителите и посетителите. Нивото на морето нагло се искачи попладнето, покривајќи ги шеталиштата, крајбрежните патишта, паркинзите и деловните простории.

Граѓаните кои се најдоа на брегот ја следеа ситуацијата со неверица, додека сопствениците на бизниси се обидуваа да го заштитат својот имот од надоаѓачката вода. Некои сведоци велат дека водата „го преминала брегот“ за само неколку минути, предизвикувајќи паника и конфузија.

Покачувањето на нивото на морето предизвика и краткорочни проблеми во сообраќајот и секојдневниот живот во крајбрежните области на Каламарија. Нема потврдени информации за обемот на материјалната штета, но надлежните служби внимателно ја следат ситуацијата.

Градоначалникот на Катерини нагласи дека ова е невиден настан.

– Морето се искачи за половина метар до еден метар и одеднаш се појави на брегот, без ветер или дожд. Многу сместувачки капацитети и продавници беа поплавени, а нашите служби ги евидентираат штетите.