Најмалку 120 лица беа повредени денес кога четири вагони од патнички воз излетаа од шините во близина на селото Герза во египетската покраина Гиза за време на судир со друг воз, недалеку од Каиро, објавија локалните медиуми.

Несреќата се случила во областа Ал Ајат, по што на местото на настанот биле испратени 50 амбулантни возила, екипи за цивилна одбрана и безбедносни сили, објавува „Галф њуз“.

Повредените биле пренесени во блиските болници во покраината Бени Суеф, додека болниците во Гиза биле ставени во состојба на готовност за лекување на повредените.