Силно невреме го зафати регионот
Вчерашното силно невреме предизвика хаос во голем дел од Босна и Херцеговина, Хрватска и Србија. Снегот го парализира регионот, со долги колони возила на граничните премини, како и на локалните и магистралните патишта.
Заглавени патници и спасувачки акции
Големи снежни наноси и бура предизвикаа застои, а многу семејства останаа затрупани во своите автомобили. Спасувачките екипи се мобилизираа со потребната механизација и опрема за да им помогнат.
View this post on Instagram
Една од акциите за спасување се случи во Босна и Херцеговина, на патниот правец Дрвар-Босански Петровец, во близина на местото Црљивица, каде луѓе беа заглавени во своите возила дури десет часа.
Продолжување на снежните врнежи
Снегот продолжува да паѓа со ист интензитет, како во Србија, така и во регионот. Според метеоролозите, студеното зимско време со обилни снежни врнежи ќе продолжи и во наредните денови.