Најмалку 132 лица загинаа во Колумбија по еден од најсилните земјотреси што ја погодија земјата во последните години. Властите прогласија вонредна состојба, а се очекува бројот на жртви да се зголеми додека спасувачите бараат луѓе закопани под урнатините, објавува Би-Би-Си.
Според Националниот геолошки завод, земјотрес со магнитуда од 7,4 степени е регистриран во понеделник во 7:34 часот по локално време на длабочина од 103 километри во покраината Чоко. Треморите се почувствувале низ широка област на западна Колумбија. Повеќето од загинатите се регистрирани во градот Переира, кој се наоѓа во добро познат регион за одгледување кафе, а имало и жртви во околните градови и во регионот Вале дел Каука. Колумбиската асоцијација на главни градови објави дека повеќе од 480 лица се повредени.
Toda nuestra solidaridad con el pueblo Colombiano por está dura prueba en estos momentos por el terremoto de 7.4 grados que afectó diferentes regiones de Colombia, como, Chocó, Pereira, Cali, Manizales, causando destrucción y víctimas mortales. pic.twitter.com/XxpzZWH0pT
— El Fantasma (@AlTopeyPunto891) August 11, 2026
Епицентарот на земјотресот се наоѓал во близина на селото Сан Хозе дел Палмар во покраината Чоко. Локалниот градоначалник на Леон, Фабио Марин Монкада, изјави дека немало смртни случаи или повредени во самото село, но пристапните патишта се оштетени.
Сведоштва од терен
Смртни случаи се пријавени и во Манизалес, Кибдо и Меделин. Најмалку две лица загинаа во Манизалес. Ангелика Авила, гостин во еден од хотелите, ја опиша ситуацијата за BBC World Service.
„Сите врескаа. Видов прашина како излегува од соседните згради и тули како паѓаат од ѕидовите“, рече таа.
CONTINÚA LA LABOR DE RESCATE EN CHOCÓ, EL EPICENTRO DEL SISMO OCURRIDO HOY EN COLOMBIA#Atención #Chocó #Colombia El general Royer Gómez, comandante del Ejército, está en Chocó coordinando con la Gobernación y los organismos del Sistema Nacional de Gestión del Riesgo la atención…
— @ComunicanteRadar (@Comunicant1397) August 11, 2026
Ден Катлер, 29-годишен човек од Лондон кој патува во Колумбија со својот партнер, бил во Кали кога се случил земјотресот.
„Никогаш не сум доживеал нешто слично. Истрчавме надвор во пижами“, изјави тој за BBC. „Нема големи структурни оштетувања на хотелот, но има пукнатини во ѕидовите, а бојата и малтерот се откорнати“, додаде тој.
Duros momentos vivieron nuestros hermanos Colombianos por el potente terremoto en Colombia 7.4 grados en una de las ciudades afectadas, Pereira, también en Cali, Chocó, Manizales hubo mucha destrucción y víctimas. pic.twitter.com/X8kFQ1wJ0N
— El Fantasma (@AlTopeyPunto891) August 11, 2026
Новинарот и метеоролог Луис Фелипе Молина бил во својот дом во Манизалес, на околу 150 километри од епицентарот. Тој објасни дека градот има многу строги градежни прописи отпорни на земјотреси, поради што неговата зграда ги издржала потресите.
„Имам 450 книги и само неколку останаа на полиците. Можеше да се чуе кршење стакло и врескање на луѓе“, изјави тој за BBC Mundo. „Беше ужасно искуство.“