Тој вели дека Радовиш е социјалдемократски град, неколку изборни циклуси наназад е единствен, сега повторно е единствен, а во единството е и победата и силата и успехот и среќата и нагласи дека на 31 октомври Радовиш ќе победи.

Според него во изминатите 4 години и на централно и на локално ниво воделе грижа за сите аспекти за граѓаните и отворивле илјадници работни места.

Проблемот со Грција, со Бугарија, законот за јазиците, сите одлуки за реформите што ги донесовме, сите беа за една цел, подобар економски стандард на граѓаните и за ништо друго. Тоа го викаме европеизација дома, да ја донесеме Европа дома и ние сме на вистинскиот пат, и затоа ќе победи прогресот, затоа што се друго е враќање во минатото, се друго е конзервативност, национализам, поделби, тоа не ни треба на нас, тоа не треба никому, истакна Заев.

Многу е важно да се обединиме сите, да пружиме рака на сите, ние не сме си противници, ВМРО-ДПМНЕ е нашиот противник, а вие сите знаете што може да донесе, молк, страв, режим закани, уцени, секаков вид на терор и овие денови веќе го покажаа, тоа повеќе нема да го дозволиме, истакна Заев, додавајќи дека е тука е поддршката од коалицијата од ТДП, ТХП либералите.

Сите сме заедно, коалицијата е стабилна, јас верувам дека ќе можеме и овие денови пред изборите да објавиме кое е новото мнозинство, работиме на тоа, порача претседателот Заев.

Тој нагласи дека народот секој пат знаел да ја одигра историската улога и овој пат ќе ја одигра.

Се бориме за вистински вредности и сите заедно да застанеме и да се бориме, вие сте гаранција на иднината и на Радовиш и на Северна Македонија, порача претседателот на СДСМ Зоран Заев во Радовиш.