– Се согласивме да ја забрзаме работата на санкциите. Четвртиот пакет во рамките на постојниот режим на санкции се подготвува, изјави Грлиќ Радман за Хина.
ЕУ планира да направи дополнителен список на лица и субјекти под санкции, а според хрватскиот министер за надворешни работи, исто така, разгледува и нови мерки „кои допрва ќе се разработуваат и кои ќе траат некое време“. Тој не откри други детали.
Белорусија не требаше да биде тема на неформалниот состанок на 27-те министри за надворешни работи на ЕУ собрани во Лисабон, но со оглед на актуелните настани околу принудното слетување на авионот на Рајанер, беше ставена на дневен ред.
Португалија, која претседава со ЕУ уште еден месец, е домаќин на состанок на министрите за надворешни работи познат како „Гимних“, именуван по германски замок каде што беше организиран првиот ваков неформален собир во 1974 година. На овој тип состаноци, европските министри за надворешни работи дискутираат за глобални прашања од значење за ЕУ во порелаксирана атмосфера.