Додека во Собранието на Република Македонија се одржуваат пратенички прашања, претседателот на СДСМ, Венко Филипче во салата го нема и лета за Франкфурт.
Првиот човек на СДСМ Филипче денеска отсуствуваше од седницата за поставување на пратенички прашања. Тој само два пати твитна на социјалната мрежа X, а според нашите информации претрседателот на социјал демократите денеска, попладнево на напуштил Македонија и замина за Франкфурт, но не се знае дали тоа му е последната дестинација или со летот можеби ќе продолжи накај Блискиот Исток.
Имено, Филипче државата ја напуштил денеска попладне околу 15 часот.
Од ваквото негово однесување неможе ништо да се заклучи, освен тоа колкава му е „грижата“ за државата.
Претходно, Филипче не остана должен и повторно ја нападна Алфа ТВ. Имено, агресивниот и девалвирачки однос на Венко Филипче и СДСМ кој трае повеќе месеци го даде и својот прв резултат. Понижувачкиот однос кон новинарите, заканите и девалвациите ќе имаат подолготрајни последици и ќе бидат дел од следните извештаи на светските органзиации и институции.
На оценката, верувале или не, Филипче одговори со нов напад врз ТВ Алфа на мрежата Х.
„Целата мрежа, особено ТВ Алфа, сигурно е многу горда на овие резултати. Браво!“ напиша Венко, очигледно не сфаќајќи дека критиките на РСФ се упатени кон политичарите, кон него, а не кон еснафот и новинарите. Или пак го конзумирал илјачот на Шмрчко, па во еуфорија кажал што кажал?
Се оствари она на што медиумските експерти и новинарски здруженија долго време предупредуваа. Беше само прашање на време кога субверзивното дејствување на Филипче и СДСМ кои се во постојана војна со медиумите ќе резулира и со шлаканица на некоја од светските организации. Предупредувањата се обистинија – Македонија падна за 3 места, од 42 на 45, во Индексот за слобода на медиумите на Репортери без граници (РСФ), и сега е во групата земји каде ситуацијата е „проблематична“. Од регионот, во групата земји со „задоволителна“ состојба се само Словенија (36) и Црна Гора (41), Хрватска (53) е во групата со „проблематична“, како и Бугарија (71), Албанија (83) и Грција (86), а Босна и Херцеговина (90) и Србија (104) се во категоријата „тешка“ состојба.
Норвешка го задржува првото место десетта година по ред, додека Еритреја е на последното место трета година по ред. Сирија по Асад бележи најголемо подобрување од сите земји со скок од 36 места во рангирањето.
За првпат во историјата на Индексот за слобода на медиумите на „Репортери без граници“, повеќе од половина од земјите во светот сега спаѓаат во категориите „тешка“ или „многу сериозна“ состојба за слободата на медиумите. Во изминатите 25 години, просечниот резултат на сите 180 земји и територии вклучени во рангирањето никогаш не бил толку низок. Од 2001, проширувањето на сè порестриктивни законодавни механизми – особено оние поврзани со политиките за национална безбедност – постепено го поткопува правото на информирање, дури и во демократските земји. Од петте индикатори што се користат за оценување на слободата на медиумите во светски рамки – економскиот, правниот, безбедносниот, политичкиот и социјалниот контекст за новинарството – правниот индикатор забележа најголем пад оваа година, што е јасен знак дека новинарството сè повеќе се криминализира на глобално ниво.
Општата оценка за Македонија е иста како лани, но земјата има пад во сите 5 индикатори, и се вели: „Иако новинарите не работат во непријателско опкружување, широкораспространетите дезинформации и недостатокот на професионализам придонесуваат за опаѓање на довербата на општеството во медиумите, што ги изложува независните медиуми на закани и напади“.
Со исклучок на Косово (84 место од 180 земји и територии во Индексот, со скок од 15 места од 2025), кое бележи подобрување и покрај тоа што останува меѓу најниско рангираните земји во Европа, слободата на медиумите во Западен Балкан генерално се влошува. Од РСФ велат дека иако Албанија (пад од 3 места), Босна и Херцеговина (пад од 4 места) и Србија (пад од 8 места) се стремат кон членство во Европската Унија (ЕУ), сите три земји покажуваат непријателски однос кон новинарството и се ранливи на пропаганда. Просекот на секој од индикаторите во Источна Европа и Централна Азија е во пад, особено правниот.
Во Америка, состојбата значително се промени, при што САД паднаа за седум места, а неколку земји од Латинска Америка, како Еквадор и Перу, дополнително навлегоа во спирала на насилство и репресија.
„Американскиот претседател Доналд Трамп ги претвори своите постојани напади врз медиумите и новинарите во систематска политика, со што САД се спуштија на 64-то место (-7)“, вели РСФ.
Извор: Курир