Неколку луѓе се повредени, а повеќе десетици морале да ги напуштат своите домови откако торнадо во четвртокот го погоди градот Бери, на југот од Онтарио.
Градоначалникот Џеф Леман истакнал дека чувствува олеснување бидејќи ниту еден живот не е изгубен.
Леман вели дека торнадото погодило населба со 150.000 жители предизвикувајќи огромна штета.
-Можам да ви кажам колку е неверојатно што никој не настрада, се надевам дека по дополнителните пребарувања и лекувања во болниците се надевам дека така ќе остане, без жртви, изјавил Леман.
Медицинските тимови објавија дека осум лица се пренесени во болница, од кои четворица со посериозни повреди. Пожарникарите истакнале дека околу 25 објекти нетрпеле значителна штета, 20 објекти се неупотребливи, а три целосно уништени.
