На државен трошок ја шетал сопругата во Мадрид, а приватно патувал и во Сингапур. Ова се само дел од низата скандали кои стојат зад името на Илир Мехмеди, новоназначениот директор на М-НАВ кој доаѓа на местото на Хамиди.
Главните улоги се сменети, но актерите се исти. Со името на доскорешниот директор Ферхудин Хамиди се врзуваа ммногу контроверзии, но ништо поразличен не е ниту Илир Мехмеди. Членот на ДУИ додека бил директор на Управата за цивилна и воздушна пловидба (УЦВП) бил заедно со сопруга на патување во Мадрид на државна сметка. Приватно патувал и во Сингапур на сметка на Управата, како што може да забележиме од извештајот на Државниот завод за ревизија, пишува Република.
Ни помалку, ни повеќе Мехмеди незаконски и целосно неодговорно потрошил повеќе од 8.000 евра народни пари. Овие финансии не биле предвидени од касата на УЦВП.
Освен спорните патувања, ревизорите утврдиле дека спротивно на законските прописи, а на име на средства за градежно одржување и интервенции во објекти на УЦВП на фирмата „Промонтинг“ ѝ биле исплатени повеќе од 60.000 евра.
(ВИДЕО) ДУИ ИЛИ МАКЕДОНИЈА? – Кое е единственото сценарио во кое се спасуваме?
Контролата покажала дека од касата на управата биле исплатни повеќе од 25.000 евра за набавка на мебел, клуб маси, трпезариски столови, комоди, фотелји, двоседи, телевизори, двд кои воопшто не биле евидентирани по пописот во просториите на управата на крајот на 2005 година. Од увидот во планот за јавни набавки за 2005 година и документацијата од спроведените јавни набавки, ревизијата констатирала дека од планираните 52 набавки, биле реализирани 11. Од нив, 10 набавки со вкупна вредност од безмалку 400.000 евра биле реализирани надвор од планот за јавни набавки.
„Исплати на средства за набавка на опрема, материјали, резервни делови и ситен инвентар и користење на услуги од повеќе доставувачи, во износ од 860.000 евра биле потрошени без спроведена постапка за јавна набавка или спроведена постапка спротивно на Законот за јавни набавки“, пишува во извештајот.
Ревизорите утврдиле дека спротивно на законот во УЦВП повеќе пати се набавувале стоки и услуги со помала вредност, се делеле аванси, спонзорства, не се применувале законските обврски за тужби против авиокомпании должници и повеќе незаконски активности со кои сметките на управата и на државата била оштетена за милионски суми.
Владата пресече: Мемеди и Кораќ на местото на Хамиди и Стаменковски
Ревизорите во извештајот запишале дека во изминатиот период против УЦВП поднесени се тужби од одделни субјекти со барања за наплата на парични побарувања или за надомест на штета по донесени одлуки од претходното раководство. Оттаму информираа дека постапките се во тек и дека не се знае какви и колкави обврски ќе произлезат од ваквите спорови во иднина, имајќи го предвид времетраењето на спорот и каматата која би се платила. Ревизијата предлага да се преиспита целиот случај во врска со исплатата на надоместот на штета на МАТ кој уште од 2001 година на суд побарува отштета од 43 милиони долари за случајот „редовен авиопревозник“. За исплатата се чека судска одлука. Ревизорите бараат да се утврди одговорноста на сите инволвирани страни во наведениот случај заради преземање на соодветни мерки против одговорните лица.