Еден од најголемите удари врз технолошките милијардери од почетокот на пандемијата

Околу 208 милијарди долари се избришани од богатството на најбогатите луѓе во светот во текот на само еден ден. Ова го покажуваат пресметките на Блумберг. Причината е драстичниот пад на акциите на светските берзи. Овој ден е четвртиот најголем еднодневен пад во 13-годишната историја на индексот на милијардери на Блумберг. Исто така  најлош ден од времето на врвот на пандемијата со Ковид-19.

Макрон остро против Трамп: Новите царини се брутални и неосновани

Цукенберг со најголема загуба

Најголем удар претрпе Марк Цукенберг, основачот на Meta. Компанијата забележа пад на акциите од 9%, што резултираше со загуба од 17,9 милијарди долари во неговото лично богатство.

 Безос и Маск со милијарди загуби

Џеф Безос, основач на Amazon, изгуби 15,9 милијарди долари, бидејќи и акциите на неговата компанија потонаа за 9% за само еден ден.

Исто така, Илон Маск забележа загуба од 11 милијарди долари, а вкупните загуби за него од почетокот на годината досега изнесуваат дури 110 милијарди долари.

 Широк удар врз богатите

Падот не ги поштеди ниту останатите милијардери – вкупно 500-те најбогати луѓе загубиле стотици милијарди, што ја нагласува нестабилноста на финансиските пазари и потенцијалните ризици што ги носат глобалните економски турбуленции.

Извор: А1.он