Дваесет и шестгодишен жител на Неготино е уапсен. Тој  пијан, без возачка дозвола, украл автомобил и насилно поминал низ две рампи на наплатната станица „Виничани“ на автопатот А1.

Според информациите од МВР, инцидентот се случил доцна вечерта на 4 април, околу 23:15 часот. М.Д. (26) од Неготино го украл патничкото возило марка „Ауди“ со битолски регистарски ознаки. Возилото било паркирано во дворот на роднина на сопственикот С.Д. (38).

Откако го присвоил возилото, М.Д. тргнал по автопатот кон Велес, каде првпат насилно ја пробил рампата на патарината „Виничани“. По кратко време, се вратил назад и ја срушил истата рампа, овојпат во насока кон Неготино.

Полициските службеници од Полициската станица за граничен надзор Михајлово веднаш презеле активности, при што лицето било лоцирано и принудено да го запре возилото. Извршената алкотест контрола покажала дека М.Д. имал 1.54 промили алкохол во крвта. Дополнително, било утврдено дека лицето не поседува возачка дозвола и возел без да се стекне со законско право за управување на моторно возило.

М.Д. е задржан во полициска станица, а за случајот е известен јавен обвинител. Против него ќе бидат поднесени соодветни кривични пријави за „одземање моторно возило“ (член 297-а) и „оштетување на јавна имот“ (член 383 став 1) од Кривичниот законик.