Пред состанокот, министрите, кои во моментов претседаваат со Советот на ЕУ, испратија писмо до министрите со кое ги повикуваат министрите, според Ројтерс, да бараат заеднички јазик за употребата на вакцината.

Земјите на ЕУ препорачаа различни старосни ограничувања за вакцинирање со „АстраЗенека“, иако ЕМА не препорача ниедна поради недостаток на податоци што би го оправдале тоа.

Германија ја ограничи употребата на „АстраЗенека“ за лица над 60 години и групи со висок приоритет, а државната комисија за вакцини им препорача на луѓето под 60 години кои ја примиле првата доза на „АстраЗенека“ да добијат втора доза од друга вакцина.

Франција и Белгија рекоа дека „АстраЗенека“ треба да се дава само на лица над 55 години.

Во Финска се дава само на лица над 65 години.

Италија во средата препорача само луѓето над 60 години да се вакцинираат со вакцината „АстраЗенека“.

Шпанското Министерство за здравство во средата донесе одлука за вакцинирање само на лица над 60 години со вакцината против коронавирус „АстраЗенека“.

Другите земји на ЕУ во моментов немаат ограничувања за вакцината „АстраЗенека“.

На самиот почеток на стратегијата за вакцинација кон крајот на јануари, Германија и Франција препорачаа „АстраЗенека“ да се дава само на лица на возраст под 65 години, а Италија и Шпанија првично ги советуваа само оние на возраст под 55 години, бидејќи сметаа дека нема доволно податоци тестирање на вакцината на стари лица.

Вакцината исто така беше накратко повлечена во март во неколку земји на ЕУ, откако се појавија првите случаи на згрутчување на крвта, и покрај недостатокот на каузална врска со вакцинацијата.