Ограничен прекин на огнот во Украина: Девет часа тензични преговори меѓу САД и Русија во Ријад

Ограничен прекин на огнот во Украина: меѓу реалната можност и геополитичка калкулација

Преговорите во хотелот „Риц Карлтон“ во Ријад, кои започнаа како технички консултации, се претворија во деветчасовна дипломатска сесија.  Делегациите на САД и Русија се впуштија во најважните преговори за мир во светот. Целта е воспоставување на ограничен прекин на огнот во Украина, по повеќе од три години континуиран вооружен судир.

Маратонски преговори во Ријад со минимални паузи

Иако беа најавени три прекини, преговорите во Ријад продолжија без формално затворање. Според руски дипломатски извор, разговорите требало да завршат порано, но биле продолжени поради новоотворени прашања.

„Постоеја очекувања дека средбата ќе биде завршена со кратко резиме. Но, по неколку клучни иницијативи од американска страна, сите делегации се согласија да продолжат. Тоа ја одразува сериозноста на моментот“, рече член на руската делегација.

Фокусот: Нападите врз енергетските капацитети и безбедноста на бродските рути во Црното Море

Прв приоритет во разговорите беше запирање на нападите врз енергетските капацитети. И двете страни – Украина и Русија – начелно се согласија за оваа мерка како дел од поширокиот договор за ограничен прекин на огнот

Дополнително, американската страна инсистираше на продолжување на прекин на нападите на бродските рути во Црното Море, со цел стабилизација на извозот и спречување хуманитарни и економски последици.

На чело на руската делегација стојат Григориј Карасин, дипломат од долг стаж, и Сергеј Беседа, разузнавач од блискиот круг на Кремљ. Американската делегација ја сочинуваат Кит Келог, специјален пратеник за Украина, Мајк Волц, советник за национална безбедност, како и Ендрју Пик и Мајкл Антон, кои покриваат европска политика и стратешко планирање во Вашингтон.

Иако не бил дел од преговорите во Ријад, украинскиот министер за одбрана Рустем Умеров пристигнал во Саудиска Арабија. Тој учествувал на посебна дипломатска мисија. Неговото присуство се смета за симболичка демонстрација дека Киев сака да биде информиран и вклучен во секоја фаза од процесот.

Додека ограничен прекин на огнот во Украина останува декларативна цел на преговорите, резултатите засега се ограничени на усогласување околу напади врз енергетските капацитети и броцки рути во Црното Море. Договорот е сè уште во нацрт, а следните денови ќе покажат дали волјата ќе се претвори во конкретен напредок.